എനിക്കുമൊരു കവിയാകണം,
കാലിക വിഷയങ്ങള് കാര്ക്കിച്ചു തുപ്പുന്ന
ഉത്തരാധുനിക കവി.
അതിനു വേണ്ടി വീട്ടിലെ പ്രശ്നങ്ങള്-
കാണാതെ പോയാലും
നാട്ടിലെ പ്രശ്നങ്ങള് കണ്ടെത്തി
കവിതയിലൂടെ പ്രതികരിക്കണം.
ഏത് വിഷയമാണ് ഇപ്പോള് പ്രതികരിക്കാന് നല്ലത് ?
കവി അയ്യപ്പനും ശവമടക്കുമായാലോ ?
അല്ലെങ്കില് വര്ഗ്ഗീസ് വധമാക്കാം
വേണ്ട രണ്ടും കാലഹരണപ്പെട്ടു.
കണ്ണൂരിലെ കള്ളവോട്ടിനെതിരെ പ്രതികരിച്ചാല്
ചിലപ്പോള് പ്രതികരണവും രൂക്ഷമാവും.
അത് കൊണ്ടു അതും വേണ്ട.
ഏറ്റവും നല്ലത് ഒബാമ തന്നെ
വന്നതല്ലേ ഉള്ളൂ പോവട്ടെ ...
എന്നിട്ടു വേണം ശക്തമായിട്ടൊന്നു പ്രതികരിക്കാന്